హిమకుసుమాలు-7 9 (సెల్ తో స్వర మేళనం!)

నీకై నేనాలపించే నిశ్శబ్ధ గీతంతో
గాలి గొంతుక కల్పి ఇప్పటికిప్పుడు నీ చెవి జేరి
నీ యెదను రేపిన అలజడి నా దరి జేరిందెలాగో చెప్పుకో!
అర్థమవడానికేముందక్కడ? నా సెల్ మరోమారు మ్రోగుతోందిగా!

హిమకుసుమాలు(తర్జుమా తలపులు-9)

ALL YOU WHO SLEEP TONIGHT

ఈ రేయి నిద్రించు మీకెల్లరికి

IV QUATRAINS
చతుష్పాదములు

DARK ROAD
చీకటి బాట

by Vikram  Seth

ఈ రహదారిని చీకటి క్రమ్ముకుంది,మరియు నివాసం దూరంగా నిల్చింది.
నిద్రించవోయి ఇప్పుడు, నీవున్న గతిమాలిన స్థితిలోనే.
ఈ రేయి స్వప్నానికి తావు ఈయకు, ఇక రేపూ
భయవిహీనుడవై లేవవోయి, విచారం నుండి సగమైనా విముక్తుడివై.

DARK ROAD

by Vikram  Seth

The road is dark, and home is far.

Sleep now, in the poor state you are.

Tonight be dreamless, and tomorrow

wake free from fear, half-free of sorrow.

హిమకుసుమాలు-77 (ఇబ్బడి ముబ్బడి ఇరుకు ఇక్కట్లు- 6)

‘1/4కిలో కొక రూపాయన్న లాభంలేకపోతే ఎలా తల్లీ!’ ?అన్న కూరల బండివాడు
‘1/2కిలో కొన్నాక ఒక రూపాయన్నా మిగుల్చుకోకపోతే ఎలాగయ్యా ?’అనే మధ్యతరగతి ఇల్లాలు
తేలని ఈ వాదనని తేల్చేందుకన్నట్లు ఎండు కొత్తిమీర కట్ట ఉచితముగా పారేసి పరుగెట్టెనతడు
ఇబ్బడి ముబ్బడి ఇరుకు ఇక్కట్ల సందుల
బ్రతుకు బాట ప్రక్కగ విరిసే పకపకలివిలే!

హిమ కుసుమాలు-76(నిర్వాణమంటే…?)

నిర్వాణమంటే…?

ఈ ఎద ఓ అగ్నిహోత్రం
ఏ దృశ్యాన్ని ఎప్పుడు ఆజ్యంగా స్వీకరిస్తుందో తెలియదు.
ఎవరి మాటలు మంత్రోచ్చటనమనుకుంటుందో తెలియదు.
ప్రజ్వరిల్లి పైకి లేచి “దాహం”, “దాహం” అన్నట్లనిపిస్తుంది.
ఏ కోర్కే ఎప్పుడు దగ్దమౌతుందో తెలియట్లేదు.
ఎప్పుడు ఏ కోర్కె నన్ను దహిస్తుందో తెలియట్లేదు.
ఇప్పుడు నేను జాగృత అవస్థలో ఉన్నానా?
లేదా ఏ చేతన శక్తికో నేను పరికరన్నా?
ఇది నాకు తెలియట్లేదు!

తెలుసుకోవడమే నిర్వాణమా?

హిమకుసుమాలు-75( హిమకుసుమాలు-75(ఇబ్బడి ముబ్బడి ఇరుకు ఇక్కట్లు-5)

ఈసుల రోసుల కంపుల కలబడి, పోరి పోరి వెలికొచ్చి
నీ మనసునకిరవైన  ఊసులు ఇరవై చెప్పగలుగుదు నేను
ఇబ్బడి ముబ్బడి ఇరుకు ఇక్కట్ల సందుల
బ్రతుకు బాట ప్రక్కగ విరిసే పకపకలివిలే!

తర్జుమా తలపులు (ప్రణయం తాలూకు మిగుళ్ళూ తగుళ్ళూ–ఓ ప్రేమరికం!)

వెలుతురిపుడు తనని తని నిర్బంధించుకుంటోంది
చెట్ల చివురు భాగానికి మాత్రమే!
కోణాకృతిని నిల్చిన సూర్యుడు
తేనె రంగు కిరణాలని వంపుగా విసరితే
భూతలాన్ని అవి అలవోకగ తాకుతుంటాయి
మనం బైకు మీద
పాం డ్రైవ్ కారిడార్ పై పయనిచేటప్పుడు.
మనమిద్దరమూ

చేరుకున్నాము సురక్షిత నెలవుకి
చెప్పుకోడానికి కాలం అందించినదే
మమైకమవలేదుగా, అందుకే–
చెదరక, తృప్తిని చెందక.
పిక్నిక్, సినిమా, ఐస్-క్రీం;
సంభాషణ; నన్ను తేలికపరచేందుకేననుకో
వేడైన మీగడతో కూడిన రమ్ము నాకైతే –కాఫీ నీ కోసం
ఆ పై పడక మాత్రం కాదు.

ఏమైనా  మనం ఒక ప్రశ్న నెట్టేస్తున్నాము
ప్రక్కకి సౌమ్యంగా.
మనం ప్రేమికులం కావచ్చునా
అప్పుడు మనం మంచి స్నేహమెక్కడకి పోతుందో?
నీవు ఆకాంక్షించట్లేదు, నేను కూడా!
పోగొట్టుకోడానికి–
చవి చూస్తున్న ఈ నీరెండని
మిట్టమధ్యాన్నపు
మిక్కిలి సంతోషానికోసమో లేదా మిక్కిలి వేదనకోసమో.

ALL YOU WHO SLEEP TONICHT

ROMANTIC RESIDUES

A Style Of  Loving

Light now restricts itself

To the top half of trees;

The angled sun

Slants honey-coloured rays

That lessen to the ground

As we bike through

The corridor of Palm Drive.

We two

Have reached a safety the years

Can claim to have created:

Unconsummated, therefore

Unjaded, unsated.

Picnic, movie, ice-cream;

Talk; to clear my head

Hot buttered rum–coffee for you;

And so not to bed.

And so we have set the question

Aside, gently.

Were we to become lovers

Where would our best freinds be?

You do not wish, nor I

To risk again

This savoured light for noon”s

High joy or pain.

హిమకుసుమాలు-73(ఇవేనా ఋతురాగాలు?)

తర్జన భర్జన పడుతూ ఓ మేఘం ఘర్జిస్తే
నీ పిలుపు కోసం వేచివుంటే , అరుస్తావెందుకన్నట్లు రెండు చిగురాకు పెదాల నడుమ
ఓ చిరు మందహాసం మొగ్గై నిలుస్తుంది!
ఆ దృశ్యానికి మురిసిన మేఘం ముచ్చటగా కమ్మేసుకుంటే
రేకులు విరిసిన కమనీయమైన తేనేలూరు నవ్వు మనక్కనిపిస్తుంది!
ఆ మందహాసాన్ని పరాకుగా పొగరనుకుని మేఘం ఘర్జిస్తూ కమ్మేస్తే
ఛిద్రమైన రేకులు నీట తేలుతూ కనిపించాక
మరోమారు  జాలిగ అదే మేఘం మౌనంగా రోదిస్తుంది.

Thanks to padmarpitagaaru for this picture too!

హిమకుసుమాలు-72(ఇబ్బడి ముబ్బడి ఇరుకు ఇక్కట్లు-4)

దసరా నాడు అయినింటి అమ్మ ఆవకాయముక్క దానం చేస్తే
పుట్టుకతో పెట్టు బుధ్ధున్న పేదింటి ఇల్లాలు పెరుగావడ విస్తట్లో వేసి ఆదరిస్తే
ఇబ్బడి ముబ్బడి ఇరుకు ఇక్కట్ల సందుల
బ్రతుకు బాట ప్రక్కగ విరిసే పకపకలివిలే!

టప్! టప్! టపా చూడండోచ్!

ఈ నెల ౌముది వెబ్ మ్యాగజీన్లో నా కవిత(తొలిజల్లు) చదవండి! ఇంతకు పూర్వం అంతే మే లో పడింది మీరు ఎవరన్నా చూసి నాకు చెబితే  ఆనందిద్దామను కున్న! హచ్ మీరు నా కన్నా బద్దకస్తులూ లేదా విపరీతమైన బిజీ గా వుండేవాళ్ళో అయివుంటారు! ఎనివే ఈ సారి చెప్పేనుగా మరి చూస్తారా? చూడరా?హన్నా! హన్నన్నా!హెంత మాట అనేసింది ఈ కుంక బ్లాగరిని అనుకుంటున్నారా? హంతా హ హ ! హి హి! కోసమే!

హిమకుసుమాలు-71(హుష్ గప్ చిప్ గీతమిది…)

గుండె గీతమిది.
పలుకగ నా గళం వణుకుతోంది.
నిజాలన్ని బయటకి వచ్చెనా…. నాకు హైరానా!
నిజమైనది దాచుకోడానికి నేనేమన్నా బైరాగినా?
గుండె…
అప్పటి నీవు చేసిన గాయమింక సలుపుతోంది
ఓ గేయమై నాకు విముక్తి నొసగమంటోంది
గుండె….
ఇప్పటి నీ మౌనం మరి మాటాడక ఊరుకోమంటోంది
అలా నీవు క్షమించలేనప్పుడు అర్థాంగివే కాదు పొమ్మంటోంది!
గుండె….
ఏదైతేనేం నీను వీడక నడుస్తూ అప్పుడప్పుడు చటుక్కున చిటికిన వేలు వదిలి
మరల నిను దారికి తెచ్చుకోమంటోంది
గుండె….
అయ్యో వణుకుతూనే నిజం గళం వెలిపుచ్చింది
హుష్ గప్ చిప్ హుష్ గప్ చిప్
గుండె….

గమనిక: ఈ చిత్రం పద్మార్పిత గారి బ్లాగ్ నుండి మర్యాదపూర్వకముగ ధన్యవాదములు తెలుపుకుంటు సంగ్రహించేసేస్తున్నాను.